鼎爺私房菜 (已結業)

上次試左鼎爺私房菜果個超足料嘅手工盤菜🍲之後一直念念不忘, 今次鼎爺推出幾款賀年糕於是新年就買左嚟試下🌟阿爺芋頭糕兩款糕都好易切同唔油, 芋頭糕煎完好香, 夾落去唔鬆散, 食落粉同芋頭比例⚖️唔錯, 芋頭味好濃, 入面仲有粒粒芋頭同蠟腸蝦乾, 蠟腸嘅油份滲哂落去, 食落好惹味又有咬口（加辣椒油🌶️食更惹味）! 🌟班香椰汁年糕年糕煎果陣已經聞到陣陣班蘭芳香, 食落口感軟糯得嚟黏度剛好, 假牙都唔會食到甩出嚟😝, 椰汁份量唔會過濃令到好膩, 而且甜度剛好, 食完亦無果種甜到確喉嘅感覺👍🏻, 總括而言兩款糕調味都剛剛好, 而且食完都無口渴嘅感覺, 整體相當滿意!