鼎王麻辣鍋 (The LOHAS) (已結業)

久唔久就會想食麻辣火鍋，今次就揀咗康城鼎王麻辣鍋，鴛鴦鍋$68位，湯底係酸菜白肉同埋麻辣火鍋，係湯入面嘅鴨血同埋鹵豆腐酸菜白肉都可以任加， 特別推薦鼎王嘅鴨血， 口感滑捋捋、綿密軟嫩、非常多汁 ，我地加左3次。而用餐時間有90分鐘，時間充足。 麻辣鍋唔單止麻辣，仲香味濃郁，有別於其他餐廳只有重麻辣味， 唔食得辣嘅朋友可以由小辣開始，如果唔夠辣，可以再加。外面有自助醬料區， 有麻辣鍋沾醬，味道幾好酸酸地唔會好鹹，同麻辣火鍋都幾襯， 另一款係酸菜白肉鍋沾醬 ，一樣好味。火鍋配料：牛柏葉 $68御選小羔羊 $158豬腩肉 $68滷大腸頭 $98魚皮餃 $78日本廣島蠔 $188炸魚皮 $78以上火鍋配料都非常新鮮，廣島蠔超級鮮甜， 炸魚皮都好鬆脆， 將炸魚皮放入麻辣湯 ，會發出霹靂啪嘞聲， 食落口都非常脆， 滷大腸頭非常入味口感軟軟的， 最後想讚下呢度嘅細切芫茜好新鮮，我拿咗碗淨芫茜用嚟點鴨血食，真回味無窮。好夾呀！！鼎王除咗麻辣鍋出名，服務亦都超好， 服務員親切有禮，經常主動詢問需唔需要加鴨血豆腐， 又為我哋消毒點菜ipad。 是次用餐感覺非常好，真係好似去咗台灣咁。