影片
更多
2024-11-07
369 瀏覽
今日放工專登跑黎觀塘，原因係約左朋友吃依間鼓油雞專門店，小店有機會好早賣曬食材而提早收工，所以要食就要早d 到啦！7點左右已經坐滿，人氣真係非常高！香辣蓮藕角 依個冷盤值得一試！蓮藕角已經切到一口大小，吃落口非常爽脆，好下飯。又香又辣，真係一啖接住一啖，停唔到！秋意去骨豉油雞配白飯，黎到一定係點佢既招牌菜-鼓油雞！賣相好靚，色澤比較深，以為會比較重口味，點知食落完全唔覺咸，反而係吃到醬香味之餘仲有少少甜甜地！雞皮係必食，吸收左醬汁食落煙韌，配上雞既油脂真係超正，之後再食一口白飯，真係嘆！雞肉唔洗講啦，浸熟既煮法令到肉質相當嫩滑，一定要試！蟲草花烏雞燉花膠湯係必試推介！燉湯大大壺好足料，花膠好大件，仲有唔同既配料包括鳥雞，蟲草，桂圓，瘦肉等，材料既精華落曬d 湯度，湯頭極度清甜！好味！
香辣蓮藕角
依個冷盤值得一試！蓮藕角已經切到一口大小，吃落口非常爽脆，好下飯。又香又辣，真係一啖接住一啖，停唔到！
秋意去骨豉油雞配白飯，黎到一定係點佢既招牌菜-鼓油雞！賣相好靚，色澤比較深，以為會比較重口味，點知食落完全唔覺咸，反而係吃到醬香味之餘仲有少少甜甜地！雞皮係必食，吸收左醬汁食落煙韌，配上雞既油脂真係超正，之後再食一口白飯，真係嘆！雞肉唔洗講啦，浸熟既煮法令到肉質相當嫩滑，一定要試！
蟲草花烏雞燉花膠湯係必試推介！燉湯大大壺好足料，花膠好大件，仲有唔同既配料包括鳥雞，蟲草，桂圓，瘦肉等，材料既精華落曬d 湯度，湯頭極度清甜！好味！
張貼
