新麻蒲 BBQ (波斯富街) (已結業)

好耐無見朋友，諗起大家都鐘意食燒肉，又可以傾耐啲，所以就決定去食依間。因為我地都吾係食好多，所以就想揀一啲吾係放題，但又高質之選。我遲咗到，一嚟到就成枱前菜，仲要任添，岩晒我。無諗過食燒肉都有埋部隊鍋，但因為我地睇中咗佢個火山芝士泡菜炒飯，所以就咁叫咗個烤肉達人套餐。火山芝士泡菜炒飯😋真係好多芝士，但我地將佢撈埋一齊之後，因為有泡菜既酸酸地辣辣地既味道，所以一啲都吾濟呀。而且，佢既泡菜既辣度都岩岩好。烤肉達人套餐😋一開始見到佢話係2我份量，仲驚我地4個人食會吾足，要爭食，但一嚟到就發現份量都好多。佢既牛肉真係好好食，有牛味，而且好juicy，不過火喉方面都要控制得好先可以燒到岩岩好。仲有個豬皮都要讚下，以前好少食燒豬皮，但無諗過咁好食。依個餐真係幾好，又有牛，又有豬，仲有啲茹同瓜。藍天檸檬汽水😋我地見佢藍色好靚，所以就叫咗杯試下，佢吾甜，送燒肉都幾解渴。