自在素食 (已結業)

適逢今日係初一，又有事要去太子一趟，所以就即上openrice睇下有咩素食店，見到有4間可以一試，就試左呢間先喇！一打開menu，好多野都好想食，但擬於得兩個人叫唔得多，又唔係特別大食，又唔會話好肚餓．兩餸一湯，眼闊肚窄；三碟點心加一個小菜又唔係好低食咁；最後都係決定一湯一炒飯，唔夠就再加．金湯翅：南瓜湯底濃又甜，一絲絲既翅，蟹柳．福建炒飯：粟米芯，芥菜，磨菇，冬菇，馬蹄，豆腐粒加茨汁，配以乾身既飯，掂！送－紅豆沙：棉口，加埋西米，原來又幾好喎，甜度又適中，超like．最後係，每人食左三碗飯，飲左三碗湯，加埋個湯水，enough．