了素食 (已結業)

朋友介紹嚟食，而且有9折卡，不過其實都唔算平，同出面差不多，都要7，80或以上一碟。仲有茶錢同加一。時蔬叉燒叉燒即係麵筋，質感同味道都幾似真叉燒，但可能麵筋索油關係，有d膩同邪惡。雲吞好食，個腐皮聞說係深水埗好出名嗰間攞貨，真係幾滑，又唔韌，個湯都好飲冇味精。炸鮮奶拼荔茸卷炸鮮奶一咬開見到綠色比佢嚇親，以為變壞，但食落先知係蜜瓜奶，而且同陽光密瓜豆奶嗰隻味係一模一樣，點解炸鮮奶變咗炸蜜瓜味豆奶🤔，荔茸卷普通。有糖水送，係黑芝麻糊，但好難食，好似係即沖嗰d，冇黑芝麻味，而且見到個質感係好似d油包住一點點黑芝麻咁，不過唔使錢送既就算啦，都唔可以要求d乜。