麗香園冰室 (已結業)

通常返工我都會帶飯在公司食因健康些又可慳D，不過間中都會約埋同事出外嘆嘆。過往兩個幾月疫情影響無奈要放冇薪假期，日日都在家煮食又冇得外出，真係人都癲。近來香港感染個案皆單位數字，所有行業和服務皆慢慢放寬恢復運作。而我都回復正常投入番工作。因工作擱置了一段時間亦要整理需時，這幾天決定買外回公司慢慢嘆，亦順道可支持下D食肆啦！香煎豬扒配午餐肉意粉 $58豬扒好大件好入味，煎得剛剛好。咬落很淋滑一D都唔鞋口，好食。午餐肉就一般貨色只得半塊。原本我揀選是黑椒汁，但醬汁似加入面豉醬味很濃；好彩味道唔錯。不過意粉畧粗身是大路質數，份量少只適合女士。若配飲品要加錢以半價計算，價錢頗為偏貴。