老虎堂黑糖專売 (渣甸街)

營業中

休息中

奶茶本是杯中物，一遇黑糖便化龍。龍吟虎嘯喵喵叫，珍珠際會杯中搖。成也黑糖，敗也黑糖。今日去到好出名嘅銅鑼灣老虎堂奶茶店。自從老虎堂登陸呢條街，呢度搖身一變，變成奶茶嘅激戰區，連住3-4間奶茶舖間間都人山人海。排隊買一杯都唔容易，仲要等佢製作好。要好有耐性先飲到呢一杯黑糖奶茶。自從老虎堂推出黑糖奶茶，間間都推出新嘅黑糖口味，如同雨後春筍。將其推向高峰，如同風+雲成就天地會/雄霸。成也黑糖。做好知底部d黑糖熱熱地，店員教要上下倒置咁搖15下，唔可以普通咁搖晃。呢個直情係內功心法。好飲係好飲，但未必個個都鐘意黑糖嘅甜。敗也黑糖。就我嚟講就幾鐘意啦。