影片
更多
2021-06-28
23 瀏覽
由於好耐冇食過雞煲，住係附近嘅朋友就建議去食龍德樓嘅中菜，仲可以叫多半隻雞煲。餐牌選擇頗多，而且仲有燉湯飲，當然要試試佢🤤。🐓勝利秘制雞煲 $138（半隻）雞煲熱辣辣送上，雖然只有半隻雞，但入面都有好多雞塊，絕對夠兩個女仔食。配料上竟然有豬皮🐷，真係第一次試豬皮配雞煲，估唔到吸晒醬汁又真係幾惹味。雞肉唔會柴，都幾入味，而且食到底都仲有唔少醬汁。本身驚會太辣，於是我哋選擇咗次一級嘅微辣，不過反而就食落覺得唔太夠辣，如果辣啲應該會更惹味，鍾意重口味嘅大家建議可以選擇中辣🌶。👅評分：8/10🦑椒鹽鮮魷 $88每次食小菜都必點椒鹽鮮魷，表面炸得香脆，但又唔會食落感覺好油膩。鮮魷切到大大舊，新鮮得嚟又肉質彈牙，點埋喼汁真係無得輸。👅評分：8/10🌱腐乳炒通菜 $68咁多種炒時蔬入面，通菜一定係我嘅首選，最鍾意清爽有咬口嘅口感。腐乳嘅鹹香加上椒絲的微辣，真係幾下飯🍚，不過如果味道再濃少少就更好啦。👅評分：7.5/10🥣足料燉湯 $48 each燉湯真係我當晚最期待嘅一項，兩款燉湯分別係蟲草花螺頭燉雞湯同埋杏汁菜膽燉白肺湯，兩碗都真係勁足料🤩。兩款燉湯都好特別，朋友比較鍾意個燉雞湯，味道清甜，感覺好
🐓勝利秘制雞煲 $138（半隻）
雞煲熱辣辣送上，雖然只有半隻雞，但入面都有好多雞塊，絕對夠兩個女仔食。配料上竟然有豬皮🐷，真係第一次試豬皮配雞煲，估唔到吸晒醬汁又真係幾惹味。雞肉唔會柴，都幾入味，而且食到底都仲有唔少醬汁。本身驚會太辣，於是我哋選擇咗次一級嘅微辣，不過反而就食落覺得唔太夠辣，如果辣啲應該會更惹味，鍾意重口味嘅大家建議可以選擇中辣🌶。
👅評分：8/10
🦑椒鹽鮮魷 $88
每次食小菜都必點椒鹽鮮魷，表面炸得香脆，但又唔會食落感覺好油膩。鮮魷切到大大舊，新鮮得嚟又肉質彈牙，點埋喼汁真係無得輸。
👅評分：8/10
🌱腐乳炒通菜 $68
咁多種炒時蔬入面，通菜一定係我嘅首選，最鍾意清爽有咬口嘅口感。腐乳嘅鹹香加上椒絲的微辣，真係幾下飯🍚，不過如果味道再濃少少就更好啦。
👅評分：7.5/10
🥣足料燉湯 $48 each
燉湯真係我當晚最期待嘅一項，兩款燉湯分別係蟲草花螺頭燉雞湯同埋杏汁菜膽燉白肺湯，兩碗都真係勁足料🤩。兩款燉湯都好特別，朋友比較鍾意個燉雞湯，味道清甜，感覺好養生。杏汁燉白肺湯就比較滋潤，而且好香杏仁奶味，鍾意杏仁嘅朋友一定好鍾意。
👅評分：8.5/10
張貼
