Day and Nite by Master Kama (已結業)

之前見到網上留言同埋好多飲食雜誌介紹過呢間餐廳，所以今日專程約咗朋友睇完戲過嚟試一試。特登望過下周圍，睇下其他客叫咗乜嘢食，見到唔少人都order咗流心芝士龍蝦三文治，應該唔會中伏，所以我都嗌咗嚟試一試。其實依份流心芝士龍蝦三文治賣相唔差，只係啲龍蝦唔夠多，芝士味道都夠濃郁嘅，附上嘅沙律醬汁唔太鹹，薯條亦都夠曬脆口。而我朋友就嗌咗海膽茶漬飯，雖然賣相平平，不過啲海膽勝在夠鮮，同茶漬飯毫無違和感，值得推介。整體嚟講水準不俗，只係價錢貴咗少少。