Day and Nite by Master Kama (已結業)

同舊同事好耐無見，約個下午出黎食lunch加吹下水。環境好舒服，裝修好乾淨簡約。兩個人唔係甘肚餓，叫左兩樣野同兩杯野飲。新鮮熱辣擺上枱，好大隻雞翼，面頭好脆同蜜糖汁好惹味。呢個餐廳主打龍蝦，緊係要試下啦。其實佢有好多龍蝦set揀，不過我地覺得呢個最抵食同吸引。女仔一睇到流心同芝士，真係好難抗拒。三文治新鮮送上，要親熱食，分開兩邊，芝士真係牽絲，好正呀！佢個三文治面包好厚實同好香，唔係普通白面包，入面有好多nuts。一啖咬落去，芝士、龍蝦、麵包，好滿足！朋友叫左Lemon Soda，佢有支試管入面係檸檬汁，倒落杯飲品到就會由藍轉紫色。正常野飲，岩影相。我就叫左杯睇名都唔知咩黎既熱茶，一擺上黎已經心心眼覺得好靚，同埋甘大壺，可以慢慢吹水補充水份。佢杯入面有d士多啤梨粒係到，加茶落個杯到飲會有甜甜地既茶香。其實我都係見佢話呢杯係No.1我先點黎飲，又ok wor。後記，我朋友對個流心龍蝦三文治念念不忘，夜晚收工打算上去再試。點知原來夜晚係第個餐牌，無佢想試既三文治。不過間野真係唔錯，有機會都會想試佢其他龍蝦set。