Day and Nite by Master Kama (已結業)

今日放工陪同事去旺角女人街買嘢，之後同事說今晚不如食龍蝦做晚餐，我以為她講笑，重答洗吾洗甘豪，她帶我去山東街的Day&Nite by Master Kama，登記後有位就搭𨋢上餐廳，餐廳地方不大但整潔。今晚真係食龍蝦做晚餐，同事說之前來過想食，但太多人等位，因為趕時間所以冇食，今晚就同我一齊來試試！尼間是用龍蝦之主要食材，做出多款龍蝦菜式。我們選了Kama龍蝦滙：有龍蝦包、烤蒜蓉牛油龍蝦半隻、龍蝦什錦海鮮石鍋湯烏冬或飯。烤蒜蓉牛油龍蝦半隻：龍蝦用蒜蓉牛油烤焗，蝦肉彈牙又鮮甜。龍蝦包：排包烤到外脆內鬆軟，開邊放入用製汁煮過的龍蝦肉，龍蝦肉份量都不少，味道鮮甜又彈牙。即炸的薯條和蕃薯條香脆可口。龍蝦什錦海鮮石鍋湯飯，上枱時熱騰騰，濃濃的龍蝦湯汁好鮮甜，材料還有青口、魷魚、蜆肉等，啖啖龍蝦精華撈海鮮和飯食，十分惹味！Good-Nite，Dear：朱古力味濃，有少許酒味。Sunset-Chubby：菠蘿加西柚沙冰，不會太甜，菠蘿味比西柚濃。