龍蝦大王火焰醉鵝火鍋 (已結業)

任食打邊爐越開越多，其實有好多我都覺得質素麻麻地，去完一次就唔想返轉頭。要搵高質、食物種類多、又要抵食嘅真係唔簡單嫁，今日就比我搵到一間幾高質素嘅，都算得上係好友驚喜架。-呢度主打活龍蝦同海鮮，另外主菜方面亦都非常有特色，今次就叫咗個火焰醉鵝來試一試。一想到枱已經聞到非常之香嘅味道，加上玫瑰露再點着個火，啲火燒到冚冚聲，真係賣相都贏幾條街任食火鍋有鴨煲可以叫真係第一次見，仲以為水準會好普通，點知內有乾坤，鴨肉竟然非常嫩滑，酒味極之入味，煮得好出色喎。套餐除左鴨煲，仲有大量生猛海鮮，例如係海蝦、鮑魚、新鮮蠔、帶子，仲有主打嘅龍蝦食添！每款海鮮都好新鮮，特別係蝦上枱時仲見到佢腳郁郁，證明絕非雪藏貨啦！除左海鮮仲有肉類，套餐就揀個本地手切牛頸脊，厚切之餘仲要牛味非常之濃郁！同鴨鍋湯底好夾嫁。