野玩海店 (已結業)

今日我同細妹去左旺角行街，去到始創中心地庫，見到一間好有特色既餐廳，充滿住陽光與海灘既風情，所以我地決定去呢間野玩海店食晚餐。坐底一陣，聽到有歌手係現場唱歌，氣氛好好，特別有情調。我地叫左個焗原隻波士頓龍蝦海鮮拼盤，食完真係好有滿足感。套餐包餐包、餐湯、沙律、飲品同甜品，超豐富。波士頓龍蝦海鮮拼盤入面有一大隻龍蝦，啖啖肉，而且仲用左芝士去焗，滋味無窮。其它海鮮就有大蝦，青口和海蜆，全部都好新鮮。而配料就有至愛既粟米和薯仔。呢個套餐仲有一個Pizza，係野玩雜錦手造Pizza，手造Pizza 特別鬆軟，配料很豐富。除了跟餐甜品，我地仲叫左香蕉朱古力雪糕窩夫，新鮮製造，甜到入心。飲品叫咗波蘿紅莓，酸酸甜甜，很好飲。