龍麵館 (已結業)

忙碌左成個月，終於有時間食返餐好，於是同男朋友搵左呢間專門食龍蝦菜式的餐廳🦞。餐廳枱面擺放着非常有中國特色的擺設，但係裏面裏面環境昏暗，又有西式的氣氛情調，有中西合璧的感覺。裏面座位都幾多，而且我哋比較早就到，所以唔算好多人，不過服務員態度就真係麻麻哋，明明客人唔多，但係舉手示意店員都要等好耐先行過嚟。我哋點左龍蝦泡飯，真係有成隻龍蝦係入面，好大隻！齋睇都已經覺得好吸引，上枱之後，店員會將脆米再放埋入泡飯裏面，龍蝦湯好鮮甜好濃郁，泡飯完全吸收左龍蝦湯的精華，如果想口感層次豐富d的話，脆米唔好泡太久，咁就可以有兩種口感啦。