The Point - Pizza & Pasta (將軍澳中心) (已結業)

晚市重開，一連七天都出街食晚飯，要享受吓。嚟到將軍澳有好多選擇，商場人來人往，行出海旁也有數十間食肆。因為今日雨濛濛，喺商場食可以避下雨。由Popcorn商場行去將軍澳中心，行人天橋旁邊有間座位好闊落嘅西餐廳。有啲座位放喺行人電梯旁，有幾把綠色太陽遮，幾自成一角。被Menu個Lobster set 吸引，價錢似乎差不多半價，龍蝦餐湯㗎 9” lobster pizza, 另外從mac and cheese通粉, risotto and linguine 三選一。每一款菜色都有龍蝦 。龍蝦湯好濃味，有塊法包上面有少量龍蝦肉，麵包好似快艇咁浮喺水面。pizza原來係火焰龍蝦，上枱時方便大家拍照。龍蝦蓋入面係烤菇，而龍蝦肉就放咗喺Pizza上面。甜品有朱古力香橙薄餅配雪糕，雲呢嗱雪糕配朱古力作總結好滿足。