胡爐 (已結業)

終於到了舊同事聚舊嘅日子～我地每次都會去打邊爐，3個女人不停傾傾傾同食食食～好鬼開心！今次揀左胡爐，喺銅鑼灣耀華街嘅上樓餐廳🍲我地係為左食個靚靚湯底而黎嘅！中式裝潢，我地3個人咁啱book倒間房仔坐，座位舒適。原來其餘座位都有間格唔駛望倒隔離枱又幾好喎！ 🔥🦞火焰龍蝦海鮮火鍋🍲 $398 極香濃嘅西式龍蝦湯底，少左奶油味，多左海鮮甜味！店員即時喺鍋度將龍蝦同蜆一齊炒一炒！🔥好大火好有氣勢呀！一路炒一路睇住隻龍蝦郁郁下！炒完立即加入特濃嘅湯再煮多陣就飲得！龍蝦勁新鮮鮮甜，連個龍蝦蚶都咁鮮甜肉多！超好味！卜卜蜆肥大肉厚！啖啖海鮮肉同龍蝦湯好夾！我地每人飲左兩大碗就加入番茄湯開始打邊爐！🥩手切頂級安格斯肥牛 (小)$228 安格斯肥牛肉味濃有肉汁，肥瘦均勻，厚薄適中，啱哂打邊爐！推介！🔔紫菜炸響鈴  店員話即點即炸！果然係必點之選，炸得好酥脆！完全唔油好香！夾埋紫菜一齊炸勁香口惹味！