梅光軒 (登龍街) (已結業)

梅光軒喺香港又開多左間分店啦~ 呢間拉麵既總店係位於北海道, 佢地大部分既食材都係黎自北海道嫁, 所以拉麵好正宗, 有水準👍。有幾款拉麵既份量仲可以揀半份, 價錢亦都會相對低d, 岩哂一班較為細食既人。我呢碗<登龍の極>拉麵每日限量供應10碗炸, 仲要係開 業 限 定, 所以想食就要早d去啦～ 拉麵上有北海道帶子、一堆炙燒芝士絲、半隻波士頓龍蝦、溏心蛋、豚肉。龍蝦入面有少少蟹膏, 用黎浸湯一流~ 呢碗限定拉麵既湯底係用上龍蝦慢慢烹調, 龍蝦湯味道鮮甜, 幾香濃惹味。拉麵充份吸收到龍蝦湯底既鮮味, 湯底唔會太咸, 食完唔會覺得口渴。另外, 個人推介呢度個甜品- 北海道Bocca (汽球布丁)。牛乳味汽球布丁既牛乳味濃郁突出, 每一啖都充滿奶香, 布丁質感好軟滑。