Rakuraku 樂拉麵 (康怡廣場北座) (已結業)

康怡新開左間拉麵店，行過見待應熱情介紹就黎食下。一入去見到餐廳牆身大大幅壁畫，連Menu都同樣畫上幾隻貓咪，相當可愛，從待應得知原來老闆係個愛貓之人。今次叫左一麵一飯一小食，連埋加一每人平均$120左右。大盛叉燒炸雞拉麵 $89呢個最正就係有叉燒又有炸雞，叉燒兩塊屬於淋身個款，炸雞三大舊，咬落唔乾仲幾嫩。湯底豬骨味重，唔油膩，飲完無要係咁飲水。石鍋龍蝦湯海鮮泡飯 $78一放上枱就聞到好香，個龍蝦湯真係不得了，食得出真材實料好濃味，海鮮料又多，個飯完全吸收哂湯，啖啖充滿龍蝦味。蟹肉忌廉薯餅 $38個人非常喜愛呢個薯餅，特別欣賞佢中間做到好軟綿綿，好Creamy嘅口感，表面鬆脆入面入口即溶。