影片
更多
2018-11-26
245 瀏覽
以前經過旺角嘅時候會見到呢間嘢排哂隊咁，入面以龍蝦做主打🦞 個入口係一棟大廈嘅入口，有人企出面安排客人入去或者睇住啲booking，如果入去食嘢就要上一樓晚飯時間上到去好熱鬧（上面張相食完差不多關門先影有落差🤣），見到最多就係一大班frd食，可以試多啲嘢食！我地兩個人叫咗個龍蝦匯，入面包咗龍蝦包、烤蒜蓉牛油龍蝦、龍蝦雜錦海鮮石鍋湯烏冬，之後我地再叫咗兩杯飲品龍蝦包第一樣上菜嘅食物，order個陣佢會問你想切做幾多份，方便你同人share。旁邊有薯條同蕃薯條同沙律做配菜，同埋淡味同稀啲嘅檸檬牛油醬。不過啲薯條上個陣唔夠熱，變凍咗同埋唔係好脆嘅見到佢突起咗個龍蝦尾，就知道入面真係好足料，全部都係龍蝦肉😛 啖啖都食到，配合埋佢嘅醬汁，成個飽惹味同鮮味都夠哂！烤蒜蓉牛油龍蝦同龍蝦包一樣有薯條同沙律做配菜，唯一唔同就係呢個獨呑成半隻龍蝦🤤 未拆殼啲汁已經漏哂出嚟，緊係即刻把握機會啜哂啲汁先！龍蝦尾嘅肉好易拆，而蝦鉗啲殼已經稍稍整開咗，所以都好容易拆到。佢每一啖都入哂蒜蓉牛油味，其中個牛油特別出，蒜蓉味係慢慢滲出嚟，食完完全無口臭龍蝦雜錦海鮮石鍋湯烏冬第三道上嘅菜，個石鍋令到個湯可以長期keep住
個入口係一棟大廈嘅入口，有人企出面安排客人入去或者睇住啲booking，如果入去食嘢就要上一樓
晚飯時間上到去好熱鬧（上面張相食完差不多關門先影有落差🤣），見到最多就係一大班frd食，可以試多啲嘢食！
我地兩個人叫咗個龍蝦匯，入面包咗龍蝦包、烤蒜蓉牛油龍蝦、龍蝦雜錦海鮮石鍋湯烏冬，之後我地再叫咗兩杯飲品
龍蝦包
第一樣上菜嘅食物，order個陣佢會問你想切做幾多份，方便你同人share。旁邊有薯條同蕃薯條同沙律做配菜，同埋淡味同稀啲嘅檸檬牛油醬。不過啲薯條上個陣唔夠熱，變凍咗同埋唔係好脆嘅
見到佢突起咗個龍蝦尾，就知道入面真係好足料，全部都係龍蝦肉😛 啖啖都食到，配合埋佢嘅醬汁，成個飽惹味同鮮味都夠哂！
烤蒜蓉牛油龍蝦
同龍蝦包一樣有薯條同沙律做配菜，唯一唔同就係呢個獨呑成半隻龍蝦🤤 未拆殼啲汁已經漏哂出嚟，緊係即刻把握機會啜哂啲汁先！龍蝦尾嘅肉好易拆，而蝦鉗啲殼已經稍稍整開咗，所以都好容易拆到。佢每一啖都入哂蒜蓉牛油味，其中個牛油特別出，蒜蓉味係慢慢滲出嚟，食完完全無口臭
龍蝦雜錦海鮮石鍋湯烏冬
第三道上嘅菜，個石鍋令到個湯可以長期keep住熱，啲烏冬都好正，無因為啲熱湯而變腍，反而都係煙煙韌韌咁，絕對唔係cheap烏冬👍🏿
個湯入面有好多料，有蜆肉、細蝦肉、龍蝦肉、青口等等，仲會見到有個龍蝦頭用嚟淆湯，個湯好濃味，感覺有啲太鹹而啲烏冬又入哂味👍🏿
男朋友呢杯飲品好正，係其中一款cocktail，最特別之處係入面混入咗啲鹽，當每一啖飲落口係類似lemonade味道嘅時候，去到最尾個下會突然有鹽嘅味道，成個感覺好清新好玩味
我個杯都係cocktail嚟嘅，係mix咗朱古力、bailey’s、martini嘅，入落口一啲都唔梗，好易入口，不過要小心啲因為咁樣先易醉🤪
最尾有侍應問我地覺得啲菜式點樣，大家食完有意見可以同佢地講，起碼佢地會做呢一步👍🏿
張貼
