影片
更多
2020-07-01
107 瀏覽
話說前幾日同女朋友食完牛肉放題火鍋之後，大家都未夠喉，於是我哋又去烚吓烚吓。女朋友今晚就帶咗我去旺角白布街嗰邊嘅為食仔，佢上網訂咗枱，一去到前台就有資料，仲比咗兩個口罩套我哋添！好快店員就帶咗我哋上2樓。可能今日係星期一晚，所以上層就未坐爆(下層滿咗)，我哋彷彿好似包咗場咁。女朋友之前就已經嚟食過，佢話可以喪食卜卜蜆好正，點知呢日卜卜蜆暫停供應，喺熱情女店員嘅推介下，我哋試咗招牌龍蝦海鮮鍋($298)，其實都係比起卜卜蜆鍋湯底貴$100，我覺得都幾合理，話晒都係龍蝦喎。落單後店員為我哋送上調味架，佢特別推介呢度嘅自家製XO醬，而我就喪落辣椒絲🌶🌶🌶。唔使幾耐食物就送上，但個鍋就要等陣！所以我哋一於飲住沙冰降下溫先，畢竟旺角站行過嚟都唔係太近，我又流晒汗，阿姐見我咁所以都專登開大冷氣俾我，服務非常好。沙冰有兩個口味，分別係菠蘿同柚子，兩杯都係用上新鮮生果製。女友鍾意菠蘿多啲，但我就覺得兩樣都幾好。嘩嘩嘩龍蝦鍋終於出現啦，一打開個鍋我哋已經流哂口水🤤。大大隻波士頓龍蝦鋪面，再搭配海蝦，好澎湃啊。下低就墊咗大量芹菜、椰菜同雜菌。無聊野一則就係個鍋好淺身，要記得將食物浸哂入湯入面。首先我哋就梗
可能今日係星期一晚，所以上層就未坐爆(下層滿咗)，我哋彷彿好似包咗場咁。女朋友之前就已經嚟食過，佢話可以喪食卜卜蜆好正，點知呢日卜卜蜆暫停供應，喺熱情女店員嘅推介下，我哋試咗招牌龍蝦海鮮鍋($298)，其實都係比起卜卜蜆鍋湯底貴$100，我覺得都幾合理，話晒都係龍蝦喎。
落單後店員為我哋送上調味架，佢特別推介呢度嘅自家製XO醬，而我就喪落辣椒絲🌶🌶🌶。
唔使幾耐食物就送上，但個鍋就要等陣！所以我哋一於飲住沙冰降下溫先，畢竟旺角站行過嚟都唔係太近，我又流晒汗，阿姐見我咁所以都專登開大冷氣俾我，服務非常好。沙冰有兩個口味，分別係菠蘿同柚子，兩杯都係用上新鮮生果製。女友鍾意菠蘿多啲，但我就覺得兩樣都幾好。
招牌龍蝦海鮮鍋
$298
4 瀏覽
0 讚好
0 留言
首先我哋就梗係㗳咗隻龍蝦先，我幾時都話龍蝦係過份包裝嘅食物，個殼就大，肉就唔係特別多。但除咗蝦身外，其實好多隱藏位都生滿肉的，要有鉗幫手先拆到肉吧。
另外，海蝦🦐都有成1x隻，每隻都挑哂腸！
滋賀縣近江牛：邊抓($298/細)，阿姐推介話依個位置肉味濃郁，脂肪就稍為多啲，但比較有咬口，話我地後生仔女食就冇問題啦🐮。佢講到咁我哋就一於試吓，嚟到發現碟肉個樣都幾靚嘅，每片肉就比較細塊，但唔算切得薄，兩塊一齊食就最完美。
黑松露墨魚丸($88)，黑松露味的確好強烈，我女朋友超鍾意，不過墨魚丸如果彈牙啲會更好食。而且一粒嘅大小係平日嘅兩倍，我建議可以嗌四寶丸，咁就可以試多幾隻口味嘛。
翠綠萵筍($29)，萵筍係我哋打邊爐嘅至愛，呢度比較厚切，所以淥耐少少都仲爽口嘅。
薯粉($28)，其實食晒個鍋啲嘢都已經飽飽地，之但係我哋打親邊爐都一定要食麵先安樂。再加上呢度個龍蝦湯底真係勁勁勁勁勁好飲，比起平日去西餐嘅龍蝦湯更鮮甜😋！而且佢哋中途加湯係加龍蝦湯，唔會溝淡咗。薯粉淥落去真係索晒味，勁掛湯，每條都變哂橙色，好味到喊。食埋就飽哂！
依餐龍蝦鍋真係令人回味，其他食物材料就屬中上水平。定價少貴，不過食物質素係幾好嘅，份量亦多，多人嚟食會更適合。題外話，好好招呼嗰位女店員叫阿包，佢話下次我哋嚟請我哋飲嘢喎🤣。
張貼
