鉄人旨花

營業中

休息中

星期二同男朋友齊齊放下午假，睇完《007: 生死有時》，係八號風球底下去食鐵板燒。我地食龍蝦鐵板燒二人前$2380+1。餐廳食物高質之餘，服務態度亦好好，特別係個後生仔侍應，好細心。前菜: 醬油豆腐龍蝦肉豆腐豆味香濃又嫩滑，龍蝦肉鮮甜。秋葵藜麥沙律新鮮。汁煮白鱈魚魚皮煎到好脆，食緊脆片甘。白鱈魚外脆內嫩，好好食。龍蝦配海膽汁食得出好新鮮，原汁原味，配以海膽汁同檸檬汁更正。季節料理: 蒜香天白花菇花菇夠腍，落左勁多蒜蓉。熊本縣產A5和牛王呢個勁啦，有證書添架。叫左五成熟，入口即化，十分軟嫩，油脂味好香口，好似刺身個種入口即化既感覺，就算唔蘸岩鹽/wasabi/車厘子紅酒汁/配蒜片食，都已經好好食。炒飯(日本產米)廚師會問你要唔要落蔥，對於唔食蔥既我黎講好好。炒飯粒粒分明，重蛋味，一碗夠飽肚，仲附上漬物。雞湯用土瓶黎裝住，要倒出黎飲，仲有啲菇同隻蝦，雞湯幾好飲，唔會好油膩。甜品揀左靜岡蜜瓜同豆腐雪糕。靜岡蜜瓜清甜。豆腐雪糕豆腐味濃郁，正。