Pentola (裕民坊YM²) (已結業)

放咗工同朋友喺觀塘附近食飯，新開嘅裕民坊商場超多嘢食，平台花園就最多餐廳選擇，經過呢間餐廳主打手工意粉，環境好靚就一於入去試吓餐廳有二人套餐，已經包括湯，前菜，手工意粉同飲品，都只係$368✨甘筍忌廉湯忌廉湯加咗蕃茄，所以帶少少酸味，有淡淡甘筍嘅香味，個湯非常Creamy，用嚟送麵包一流✨白鯷魚茄子蓉多士白鯷魚魚味香濃，茄子用酸酸地，第一次加埋多士一齊食，又出奇咁夾✨意大利風乾火腿拼盤有24個月巴馬火腿，莎樂美腸，寇帕火腿，提子，三款cold cut各有特色，橡果香味十足，紋理比例分布平均，肉色粉嫩，唔會太肥膩✨意大利香草醬闊扁面香草醬用咗羅勒加其他香草🌿，橄欖油整成，仲有淡淡果仁，松子仁香味，令意粉味道昇華不少，闊扁面較粗身，食落煙韌有口感✨新鮮波士頓龍蝦意粉有半隻龍蝦，龍蝦蟹鉗嘅肉亦都拆咗出嚟，好方便，龍蝦火頭控制得剛剛好，肉質仲好爽口彈牙，意粉較幼身，意粉煙靭而且蛋香味十足，每一條意粉掛滿左醬汁，非常creamy✨新鮮青口配茴香酒汁$128我哋散叫咗個青口，青口好鮮甜，而且無沙，青口肉大大粒，絕對新鮮，加上香草🌿白酒就更加惹味✨奶凍配百香果醬奶凍奶香味十足，非常滑溜，百香果酸酸甜