The Yell-Owl Seafood And Grill (已結業)

今日同朋友嚟呢間貓頭鷹主題Cafe食下午茶，雖然冇真嘅貓頭鷹坐鎮，都有貓頭鷹嘅造型咖啡☕️超級貓頭鷹全日餐：呢個招牌All Day Breakfast 好豐富，有半隻龍蝦,蟹肉牛油果多士,班尼迪蛋,煙三文魚，英式豬肉腸,大啡菇;扒蕃茄,煙肉,薯餅,沙律,焗豆,牛油粟米。份量非常多，兩個人share都夠食。🦞龍蝦肉爽口彈牙鮮味，仲要爆曬膏😍膏橙黃色，又結實又香。蟹肉牛油果多士，多士底香脆，牛油果香濃 又Creamy，不過就唔係好食得到蟹肉。班尼迪蛋有流心蛋嘅效果，配埋擺成玫瑰花🌹形狀嘅煙三文魚幾夾。英式豬肉腸同大啡菇都有效果，不過略嫌大啡菇焗得有啲乾；薯餅焗得幾香脆；煙肉都煎得幾香唔會太肥膩餐飲叫咗杯泡沫咖啡，上面嘅貓頭鷹焦糖造型幾特別，如果可以做到3D造型就更吸引。咖啡味香濃，奶味平衡不錯。