SEDAP惹味馬拉 (已結業)

睇中午場前被指派要睇下食咩，咁就試下呢間係角落頭開咗一排嘅惹味馬拉。Menu上嘅「檳城龍鳳配」一定係為好似我呢啲選擇困難症患者以設，$48有無骨海南雞飯、迷你檳城蝦湯米粉、斑蘭糯米糍，加$5仲有咖啡。聽到都好豐富！吸引咗我同阿媽都叫呢個。上到菜，佢嘅份量都唔會將貨就價。油飯都有大半碗，仲有四件滑滑海南雞。雞油飯比起白飯冇得輸，如果再熱身啲仲好。淨係油雞飯加豉油已經夠我食大半碗飯。不過比起發我更加鍾意食蝦湯米粉，蝦湯好濃郁，米粉吸晒精華超級好味。雖然叫做迷你，但係都有兩隻蝦同埋配料。飲品就叫咗椰糖白咖啡正常發揮。嘢食真係抵食，不過令我卻步俾唔俾好評係呢度嘅服務態度。我哋係一開店嘅第二台客，絕對唔係唔夠人手。入到完全冇服務可言，落單木口木面，好似完全唔想so你。連阿爸都睇唔過眼係佢少少大力咁打開裝餐具個櫃，極晦氣咁，一句說話都冇之後就走。如果你係想指示俾客人餐具喺邊度，你大可以講一句。