Maru Korean Restaurant & Bar (已結業)

當晚在尖咀搵食，心中鎖定韓食，於是梗係search openrice 啦，雖然므루得4個哈哈笑，但見到啲食評加食物都啱晒我心水，就致電訂枱，但接電話者吾係好識講廣東話，只表示全晚full booking, So sad,我已經講walk-in 得吾得，但佢都話只食得一個鐘，所以唯有另選別店啦！一面再search，但個心就不甘，今日係星期四，又吾係星期五、六日，無理由食吾到嘅，於是7點半左右，俾啲誠意，Walk-in 攞位，上到餐廳，有個二十多歲說得一口流脷英文嘅女仔招呼我哋，佢睇睇訂位冊，左諗諗，右諗諗，而我又用誠懇態度向她表明真係好欣賞餐廳食物，終於打動她，叫我留低電話號碼，有位就會call 我，我諗住吾知等到幾時，所以同老公出去行行街，點知吾夠十五分鐘，靚女就致電我話有位，即刻一行五人趕到。餐廳好有氣氛，強勁k-pop,每當有客人生日，切蛋糕播生日歌外，老板們都會行近拍掌慶祝，其後得知俾位我個靚女（Janet）係四個老板之一，四個年青韓國人，一直在港居住及接受教育，現合夥做老闆，Janet及另一韓國老細最懂social，其餘二個就密密做，吾出聲，互補一凹一凸 呢度食物頗fusion