帝樂 - 德國餐廳 (已結業)

啱啱係德國嘅啤酒節，趁仲有氣氛就嚟試下呢一間德國餐廳😋 夜晚八點幾嚟到，唔需要等位就可以入座。 餐廳氣氛唔錯，現場有live band。本來以為會唱下德文歌，點知係唱香港懷舊歌，其實都幾好feel不過感覺幾有趣😂😂 除左唱懷舊金曲外，中間仲會瘋狂唱生日歌😂 隊band會走落台，對住生日嘅主角唱下歌傾下計咁，幾sweet嘅💕 對我嚟講，食德國野一定唔少得黑啤！ 叫咗 Arcebrau 嘅黑白啤🤤 餐廳仲有比較大路嘅Fischer，但係因為未飲過呢一隻，所以想試下。試完冇失望，白啤超級易入口，黑啤有重重麥味👍🏻 必食豬手，德國豬手向來大份，但係上枱果下都有小小嚇親。建議多啲人share好啲😋值得一讚係外皮好脆，肉亦唔鞋唔韌。伴碟酸菜勁好味！ 酸得嚟恰到好處，中和太多肉帶嚟肥膩感。 另外叫咗德國腸拼盤，仲包咗薯仔沙律。一定一定要趁熱食啲腸😎 其中有幾款幾重香料味。薯仔沙律微酸，都貼近返原本德國菜嘅正宗味道。 因為太好feel，幾啱坐多陣飲住啤酒吹多陣水嘅。可以再encore，因為臨走果時見到其他人叫嘅黑森林好似好吸引咁🤤🤤