泰巧船粉 (已結業)

今晚屋企唔煮飯，話想食泰菜，近得嚟又唔貴又好食又大份就真係泰巧，出晒名。基本上嚟親都好多人等，同埋佢淨係做外賣，冇堂食。簡單直接就叫咗個海鮮菠蘿炒飯二人份 $78，一人份就 $55，但留意返如果鍾意菠蘿上嘅話一定要叫二人份。成個飯會用錫紙包住，另外會有個兜仔分開裝d 肉鬆同腰果，呢樣野真係加分，因為放埋一齊，返到屋企就會淋晒。拆禮物咁，一打開就見到d 蝦，個飯份量真係大，一開要跌落嚟咁。加埋d 肉鬆同腰果真係幾正，但菠蘿有d 酸，食完面個d 蝦會發現入面都有魷魚個d，唔止蝦一款海鮮。食完其實個菠蘿仲可以刮到肉出嚟食，不過太飽喇，放棄咗🍍。