影片
更多
2022-04-26
51 瀏覽
終於可以去朋友屋企食飯啦😅，見有唔少Foodie朋友仔介紹1861嘅Burger，今次決定買多少少食物上朋友屋企食晚餐🥣！佢地嘅Burger好特別！漢堡包皮🍔係用上美國嘅食用色素，冇落豬油/糖，所以各種口味嘅Burger都係咁色彩繽紛🌈+素食者都食得！另外老細仲話如果個包痴牙，歡迎攞返落去退換，睇嚟對出品充滿信心😎。🌟甜蜜漢堡 (蜜糖蘋果手打牛肉漢堡)呢個又甜又咸嘅組合係出乎意料地夾，估唔到煮至焦糖化嘅蘋果甜地同咸嘅牛肉幾匹配。番茄🍅就唔係原片新鮮番茄，而係用上自家製番茄香草醬，酸酸甜甜幾開胃😛。至於牛肉漢堡，重牛肉味又Juicy，不過牛肉調味有少少重手，真係有啲咸😂。🌟佛系漢堡 (黑松露野菌漢堡)Burger包面果然係唔痴牙又超鬆厚，就算我地外賣攞走大概25分鐘後先食，個包仲係外脆內軟，值得一讚😎。至於餡料，有用黑松露醬炒過嘅磨菇+洋蔥🧅，菇🍄嘅份量巨多，所以食起上嚟有少少狼狽🤪。🌟曼克頓薄餅Pizza有分薄批/厚批，今次👧🏻就叫咗厚批，餡料有：辣肉腸、免治牛肉、菠蘿🍍、粟米🌽、洋蔥🧅、青椒🫑、紅椒。厚批質感唔會太韌之餘又夠脆👍🏻，仲要好夠承託力💪🏼，即使餡料好重都唔會跌。餡料足料唔
🌟甜蜜漢堡 (蜜糖蘋果手打牛肉漢堡)
呢個又甜又咸嘅組合係出乎意料地夾，估唔到煮至焦糖化嘅蘋果甜地同咸嘅牛肉幾匹配。番茄🍅就唔係原片新鮮番茄，而係用上自家製番茄香草醬，酸酸甜甜幾開胃😛。至於牛肉漢堡，重牛肉味又Juicy，不過牛肉調味有少少重手，真係有啲咸😂。
🌟佛系漢堡 (黑松露野菌漢堡)
Burger包面果然係唔痴牙又超鬆厚，就算我地外賣攞走大概25分鐘後先食，個包仲係外脆內軟，值得一讚😎。至於餡料，有用黑松露醬炒過嘅磨菇+洋蔥🧅，菇🍄嘅份量巨多，所以食起上嚟有少少狼狽🤪。
🌟曼克頓薄餅
Pizza有分薄批/厚批，今次👧🏻就叫咗厚批，餡料有：辣肉腸、免治牛肉、菠蘿🍍、粟米🌽、洋蔥🧅、青椒🫑、紅椒。厚批質感唔會太韌之餘又夠脆👍🏻，仲要好夠承託力💪🏼，即使餡料好重都唔會跌。餡料足料唔會令人失望。
🌟芝士磨菇雞翼
芝士磨菇雞翼絕對係高質小食！雞翼煎得香脆，面層輕輕掃上蜜糖。雞翼仲釀咗啲芝士+大片磨菇🍄，極重芝士味🧀！朋友表示可以自隊一次打雞翼🫢。
🌟一口芝士/薯蓉(跟餐)
兩款小食表現都幾好，一口芝士炸得超脆。薯蓉🥔綿滑，黑胡椒味頗重。
張貼
