影片
更多
2024-09-30
875 瀏覽
#20240927 🤍📍 #樂口福酒家 九龍城侯王道1-3號地舖➖➖➖➖➖➖➖➖➖➖➖➖➖➖➖➖➖#鹹菜花生 $10#茶芥 $10/位💭 一班潮洲人話想搵返兒時味道，於是尼到有非常多年歷史既酒樓晚飯，一入已經充滿年代感，坐低會比啲鹹菜花生同功夫茶開下胃，依家啲茶樓好似都無呢枝歌仔唱喇🥜.#滷水鵝 $???💭 因為一家人去食，細一輩既通常都無機會掂到menu，事後想搵返已經搵唔到佢係幾錢😅隻鵝係屬於肥美果類，眼見塊鵝皮都幾厚，所以食落唔會鞋口，同埋佢真係貨真價實全部都係鵝件，唔會下面塞其他野墊高佢🪿.#檸檬炖鴨湯 $108#鹹菜豬肚湯 $108💭 試左兩隻唔同既湯，鹹菜豬肚就好常見，同出面飲無咩大分別，只係佢啲胡椒重手啲相對就辣啲，檸檬炖鴨真係初嘗試，好難想像檸檬同鴨加埋係咩味，所以第一啖飲會覺得怪怪地，飲飲下發覺都可以入口既，但唔建議攤凍左飲，會飲到檸檬皮陣澀味🍋.#炒薄殼 $???💭 又係一樣搵唔返價錢既野食，薄殼應該真係要去呢啲專做潮洲菜既餐廳先有得食，佢就好似一粒超迷你既青口咁，千祈唔好諗靠食佢啲肉飽😂呢個菜最主要係過下口癮同吮佢個汁，而個汁的確整得幾好，好香九層塔味，又辣辣地好
📍 #樂口福酒家
九龍城侯王道1-3號地舖
➖➖➖➖➖➖➖➖➖➖➖➖➖➖➖➖➖
#鹹菜花生 $10
#茶芥 $10/位
💭 一班潮洲人話想搵返兒時味道，於是尼到有非常多年歷史既酒樓晚飯，一入已經充滿年代感，坐低會比啲鹹菜花生同功夫茶開下胃，依家啲茶樓好似都無呢枝歌仔唱喇🥜
.
#滷水鵝 $???
💭 因為一家人去食，細一輩既通常都無機會掂到menu，事後想搵返已經搵唔到佢係幾錢😅隻鵝係屬於肥美果類，眼見塊鵝皮都幾厚，所以食落唔會鞋口，同埋佢真係貨真價實全部都係鵝件，唔會下面塞其他野墊高佢🪿
.
#檸檬炖鴨湯 $108
#鹹菜豬肚湯 $108
💭 試左兩隻唔同既湯，鹹菜豬肚就好常見，同出面飲無咩大分別，只係佢啲胡椒重手啲相對就辣啲，檸檬炖鴨真係初嘗試，好難想像檸檬同鴨加埋係咩味，所以第一啖飲會覺得怪怪地，飲飲下發覺都可以入口既，但唔建議攤凍左飲，會飲到檸檬皮陣澀味🍋
.
#炒薄殼 $???
💭 又係一樣搵唔返價錢既野食，薄殼應該真係要去呢啲專做潮洲菜既餐廳先有得食，佢就好似一粒超迷你既青口咁，千祈唔好諗靠食佢啲肉飽😂呢個菜最主要係過下口癮同吮佢個汁，而個汁的確整得幾好，好香九層塔味，又辣辣地好惹味🌿
.
#潮汕煎蠔烙 $98
💭 就算唔係潮洲人，但一講起潮洲野食相信蠔餅都係數一數二噏得出既野食，潮洲話叫蠔烙，即係慢火半煎炸咁整出尼，入面好多蠔仔，基本上每啖食落都有，而且佢真係跟足潮洲做法用鴨蛋整個漿，食落香好多🦪
.
#什菌炒牛肉 $108
#沙嗲芥蘭炒牛肉 $108
💭 兩個蔬菜類就比較普通左啲，兩碟牛肉都嫩身既，可惜沙嗲唔夠花生醬，就好似無左個靈魂咁，什菌就煮得正正常常啦，但個味道感覺有啲單調🍄🟫
.
#普寧炸豆腐 $78
💭 新鮮滾熱辣咁炸出尼，外皮香脆內裡又嫩滑，如果要數佢同普通既炸豆腐有咩分別既話，就一定係跟住佢上枱既香蔥鹽水，點完味道就豐富好多，而且會變得更加juicy～
.
#椒鹽九肚魚 $128
💭 平時食開啲椒鹽九肚魚都係一大條拎去炸，咬開入面滑潺潺咁有啲核突，但呢啲係切開左一件件，而且內裡啲魚咬落係實淨既，係不一樣既椒鹽九肚魚🐟
.
#酥炸蝦蟹棗 $112
💭 吸取左豆腐既教訓之後，食呢個就更加小心，就算攤左一陣先食入面都依然出煙，兩隻咬開都 見到入面既料，蟹棗有啲似魚腐既質地🦀蝦棗食落就彈牙啲，一碟滿足晒兩個唔同口感🦐
.
#香蔥反沙芋 $108
💭 都係潮洲菜好傳統既甜品之一，要首先蒸軟熟左啲芋頭，然後放落啲煮溶左既糖入面係咁撈，就會得出一個外表有糖脆內裡軟熟既甜品，不過呢啲糖份嚴重超標既野都係趁多人先叫碟，一人食一舊就算喇🙃
.
#九龍城美食 #🐷在九龍城 #🐷_食
張貼
