潮州人 (已搬遷) 新店位置

係附近做完瑜伽要搵野食，即時諗到潮州人，主打0味精湯底既米粉～✨花膠米粉花膠有完整一大塊，超足料，食落夠稔又軟身。啲湯係清雞湯，加上少少花膠濃郁既醬汁，將味鮮味提升左去呢一個層次！✨手切肥牛大蜆米粉（雙拼+$8)大峴好鮮甜，肉質好彈牙！而手切肥牛又啱啱好熟，唔會鞋口之餘食落仲充滿肉汁。湯底加左清酒，所以帶有少少酒味，僻除左海鮮既腥味之餘亦唔會喧賓奪主。✨酒糟火雞腎份量好多，兩個人食極都食唔哂咁。雞腎爽口，一入口就有好香既花雕味，而且相信雞腎都浸左一段時間，非常入味，好啱夾米粉食。二人餐仲有個菜同兩枝花旗參蜜，但由於本人唔太好花旗參，所以唔多講啦～