影片
更多
2018-11-12
647 瀏覽
每一次出街食飯都會影底自己食過啲咩, 然之後寫返個食評, 但最後都係無做到.反而今次無影底相, 就想返寫個食評. 因第一個食評都成5年前日期: 2018年11月9日 20:20:00人數: 3位約咗呀媽7點鐘係銅鑼灣等, 因預咗買電話仲要叫埋職員教呀媽點用電話, 整整吓都成8點1, 2 個字, 之後細佬都join埋一齊食飯. 去到門口已經有四位等緊, 但等咗幾分鐘, 職員已經話海南雞賣哂嚕, 個四位就走人, 我地三個就無所謂, 等咗前後10分鐘就入得, 嗱嗱聲叫咗幾樣:1. 小食拼盤 送到來熱辣辣, 點埋個酸醬, 如送啤酒一流2. 青木瓜沙律 食襯泰國菜, 都必定會叫青木瓜沙律, 餐廳做得不錯夠酸辣, 酸酸meimei 夠哂開胃3. 飛天通菜 份量都算多, 可惜碟飛天通菜唔太合我口味 4. 豬頸肉金邊粉 金邊粉爽口不粘, 如果豬頸肉有少少燶就正5. 蟹肉炒飯 食咗上面個幾碟都飽飽地, 聞落去又幾香,
日期: 2018年11月9日 20:20:00
人數: 3位
約咗呀媽7點鐘係銅鑼灣等, 因預咗買電話仲要叫埋職員教呀媽點用電話, 整整吓都成8點1, 2 個字, 之後細佬都join埋一齊食飯. 去到門口已經有四位等緊, 但等咗幾分鐘, 職員已經話海南雞賣哂嚕, 個四位就走人, 我地三個就無所謂, 等咗前後10分鐘就入得, 嗱嗱聲叫咗幾樣:
1. 小食拼盤
送到來熱辣辣, 點埋個酸醬, 如送啤酒一流
2. 青木瓜沙律
食襯泰國菜, 都必定會叫青木瓜沙律, 餐廳做得不錯夠酸辣,
酸酸meimei 夠哂開胃
3. 飛天通菜
份量都算多, 可惜碟飛天通菜唔太合我口味
4. 豬頸肉金邊粉
金邊粉爽口不粘, 如果豬頸肉有少少燶就正
5. 蟹肉炒飯
食咗上面個幾碟都飽飽地, 聞落去又幾香, 所以又食多幾口,
味道正常
6. 兩杯凍泰式奶茶, 一杯熱龍眼茶
最後點咗三杯飲品, Thai Milk好飲但太細杯,
另外呀媽飲熱龍眼茶, 佢話太甜, 自己加咗熱水溝淡.
我地三個都食得好飽, 以上份量四個人都夠食, 如果有機會想試試海南雞飯.
張貼