美味小鮮肉 (已結業)

女人街多野食係人都知，今日又經過呢度，被呢間紅色招牌吸引住，睇睇門口餐牌，原來有1人邊爐食，價錢合理，所以入去試吓。68蚊1人邊爐套餐，都幾抵食，份量都唔少，有鮮牛，丸類仲有蔬菜拼盤，仲可以自選粉麵一款，我地叫咗清湯，湯頭幾清但又幾好味，鮮牛淥一淥真係幾滑，好鮮味，丸類都非常彈牙。我地仲叫多個牛筋麵，幾度牛筋都算特別，佢地切開一條條，煙煙韌韌幾好食，都好入味，麵底都好爽口，個湯底好濃郁，非常唔錯。