影片
更多
2022-07-02
1113 瀏覽
呢日做信差，專程拎野去美林邨俾長輩長輩帶我去佢嘅飯堂食雞煲、打邊爐餐廳喺屋苑入邊嘅冬菇亭，好耐冇去過冬菇亭食嘢喇～《雞煲·火鍋放題》主要有3個價格$208/ $288/ $348 火鍋配料任食，啤酒汽水任飲價格越貴，肉類嘅選擇越多，級數亦越高啦～～～$288 & $348 仲包埋串燒放題，同樣價格越貴，串燒選擇越多如果唔食雞煲嘅話，仲可以加$20轉烤魚我哋揀咗最經濟嘅$208雖然無咗串燒放題，不過每人都可以自選3款串燒我哋揀咗特上牛脊肉、五花肉、安格斯牛粒串、蒜蓉燒生蠔、蒜蓉燒扇貝、鹽燒海蝦啲海鮮燒烤都唔錯啵，見到其他枱升級咗串燒放題嘅客人不停order 🦪🦐 ，鍾意食海鮮嘅朋友真係唔好錯過～呢到嘅《雞煲·火鍋放題》係先食雞煲，後打邊爐即炒麻辣雞煲，辣度可以揀大、中、小辣或者唔辣，我哋揀咗小辣上枱時店員話雞件已經八成熟，加熱3至4分鐘就可以食㗎喇～雞煲仲加咗洋蔥同芫荽，加熱之後香味濃郁，呢個小辣我完全接受到，而且雞唔會太鹹，就咁食，唔使送飯都可以 😋雞煲食到差唔多，店員會再捧嚟一鍋邊爐湯底(湯底選擇有: 花膠雞濃湯、蕃茄豬骨湯、懷舊醉雞煲、四川麻辣湯及特濃沙嗲濃湯)我哋揀咗花膠雞濃湯，
長輩帶我去佢嘅飯堂食雞煲、打邊爐
餐廳喺屋苑入邊嘅冬菇亭，好耐冇去過冬菇亭食嘢喇～
《雞煲·火鍋放題》主要有3個價格
$208/ $288/ $348
火鍋配料任食，啤酒汽水任飲
價格越貴，肉類嘅選擇越多，級數亦越高啦～～～
$288 & $348 仲包埋串燒放題，同樣價格越貴，串燒選擇越多
如果唔食雞煲嘅話，仲可以加$20轉烤魚
我哋揀咗最經濟嘅$208
雖然無咗串燒放題，不過每人都可以自選3款串燒
我哋揀咗特上牛脊肉、五花肉、安格斯牛粒串、蒜蓉燒生蠔、蒜蓉燒扇貝、鹽燒海蝦
啲海鮮燒烤都唔錯啵，見到其他枱升級咗串燒放題嘅客人不停order 🦪🦐 ，鍾意食海鮮嘅朋友真係唔好錯過～
呢到嘅《雞煲·火鍋放題》係先食雞煲，後打邊爐
即炒麻辣雞煲，辣度可以揀大、中、小辣或者唔辣，我哋揀咗小辣
上枱時店員話雞件已經八成熟，加熱3至4分鐘就可以食㗎喇～雞煲仲加咗洋蔥同芫荽，加熱之後香味濃郁，呢個小辣我完全接受到，而且雞唔會太鹹，就咁食，唔使送飯都可以 😋
雞煲食到差唔多，店員會再捧嚟一鍋邊爐湯底
(湯底選擇有: 花膠雞濃湯、蕃茄豬骨湯、懷舊醉雞煲、四川麻辣湯及特濃沙嗲濃湯)
我哋揀咗花膠雞濃湯，有兩條花膠㗎～～～
$208 嘅3款任食肉類包括安格斯肩胛牛肉、安格斯牛板腱 & 西班牙黑毛豬
另外，特別推介嘅火鍋配料如下：
迷你時令蔬菜籃 🥬🌽🧺 ：有唐生菜、油麥菜及粟米，啲菜夠新鮮，同埋份量一啲都唔迷你lor~
墨魚仔：墨魚仔嘅𠝹花𠝹得好靚呢 🌼🦑
鮮柏葉：幾爽口
手打丸類：試咗牛筋丸同蝦丸，手打口感爽彈
陳皮魚蛋：陳皮味十足
午餐肉：呢個係長輩嘅推介，我之前好少打邊爐叫午餐肉，但原來啲肉幾嫩滑，幾好味喎～有啲驚喜呢～🤩
松葉蟹柳：本人打邊爐例牌會order 嘅
即炸魚皮：夠香脆，浸入湯底3秒即食 👍🏻👍🏻
至於呢度嘅啤酒汽水任飲，飲品選擇都幾豐富，有汽水，清涼爽，馬蹄爽，多款有糖果茶及無糖茶類
$208 有串燒，有雞煲，又有得打邊爐
☝🏼個價錢滿足🤟🏼個願望，性價比非常高呢！
長輩話下次嘅家庭聚會，可以多啲人嚟再食過，熱鬧啲！
張貼
