Macaroni Dessert Bar (已結業)

晚市優惠$1生蠔😆😆經過見到甘抵食，就吸引左我地入去試。每人限加兩隻，$1蚊甘抵會唔會伏，送到上枱就知！冇伏冇伏，隻隻蠔都好肥👍🏼好鮮。Set Dinner 沙律菜新鮮，我食煙三文魚唔腥，配沙律醬。友人要什果沙律，都唔錯用上新鮮生果，配醋汁，好開胃。黑松露芝士法包麵包脆身，帶有輕微黑松露芝士味🤗可惜每人得一塊，好想食多幾塊。忌廉湯，濃郁粟米味～Pizza 🍕 薄皮，加左桃，甜甜酸酸果香，芝士味濃，有大量火腿絲。推薦大家一試👍🏼燒春雞原隻上枱好靚仔，做到肉嫩多汁，帶有香草味，食得出有用心醃製。而配料係煎過既薯仔、紅蘿蔔，唔係求求其其。跟餐甜品加左玫瑰花瓣，吸晴指數提升不小。芝士cake好滑，入面有提子乾增加口感😆細細件岩晒女仔食。