稻香.茶居 (馬田路) (已結業)

上網見人談論嘅$1雞煲，話淨係計埋茶錢兩個人$29走得，即管去同朋友一試。原來要8:30先開始入座，餓死我。$1雞煲d雞真係一分錢一分貨，少到離譜，佢寫原價要$168，好想知$168果煲係咪都係咁少😂不過雖然好少雞，但有4隻鮑魚，都唔錯，幾好味！雞煲味道都好好食，唔會太辣，咸香味重，係衰在雞份量少左d。不過$1算係咁😂另外叫左汽水，有半價同一碟滑牛，所以火鍋料都有6折。滑牛好好食，份量都幾多，厚肉彈牙，我覺得抵食過肥牛果d, 肥牛又薄又少，唔抵食。埋單$78，其實係食唔飽，純粹黎實測報告一下🤭🤭🤭🤭唔知佢會唔會蝕到入肉呢？不過我見好多人都瘋狂點野食，得我一個只係叫一碟料🤭🤭🤭