Fun Fun 串串鍋 (已結業)

最近串串鍋開到成行成市，但今日就比我搵到一間特別抵食——位於旺角百寶利5樓的Fun Fun 串串鍋！新張期內，晚市放題只需$138起，任飲任食，也太抵了！裝潢古色古香，氣氛一流。招牌重慶麻辣湯鍋揀咗中辣，比想像中有料到🌶🌶🌶湯底又香又麻，色澤鮮紅，好正！串串任拎，唔洗數竹籤數目，又唔洗磅竹籤數量，食得特別開懷！另有自選配料，包括安格斯牛、牛梅花、脆鯇骨腩、沙白、黑豚肉等等，任食唔嬲。飲品櫃包羅萬有，不過啤酒就另外收費。有牛奶公司雪條、雀巢雪糕，未必係貴價貨，但一樣食得開心。價錢咁抵，任飲任食，真係「食到就是賺到」！相信好快會再戰！