Cosmos Restaurant & Bar (已結業)

政府嘅措施令大家都無所適從，不過餐廳嘅處理都係令人無奈，客人坐低咗，有新食客入嚟大家都要調嚟調去為咗配合1.5米嘅距離，其實咁樣調嚟調去接獨嘅地方仲多，仲危險，所以1.5米嘅意義其實係咩？？set lunch 選擇都算幾多，我揀咗雞扒意粉，lunch 有湯同餐飲，湯嚟到係熱辣辣嘅，係忌廉湯，仲有多士，有烘過，暖暖地，都算有誠意，雞扒都係即叫即整，熱辣辣，個面仲脆脆地，不過仍然趕唔走嗰陣雪藏味，旁邊有我鍾意嘅翠玉瓜，仲有蕃茄，呢個真係讚，疫情下唔需要加一，再有85折，所以只需58蚊，雖然食材唔算高質，不過性價比都算高。