澳瑪葡國菜 (已結業)

約左幾個月，終於齊人！紀念相識十周年，就係tst搵左間海景餐廳食葡國菜。好可惜就算book位講定要海景位，但唔知係咪餐廳太full, 最後都無比到。人到先比麵包，有個朋友遲到，問waiter可唔可以上定，佢答人黎到自然會比，就如風一般走左。嗯。。。態度有待改善。 麵包配合牛油，不過不失。叫左炸馬介休薯球，薯蓉軟綿綿，味道夠濃，值得試下。跟住叫左個沙律，沙律汁好開胃，餐前唔錯嘅選擇，但墨魚唔夠爽脆，要咬好耐先得。主菜叫左個焗鴨飯，waiter 上菜時，我以為飯會好乾，好硬，但食落有驚喜，飯吸晒肉汁嘅味道，飯軟硬適中，yummy yummy .招牌炭燒霹靂春雞，個名改得好特別😂😂，雞好嫩滑，但唔覺有驚喜，同外面食開燒春雞大致一樣。火焰葡式肉腸，好咸，waiter 現場用火燒肉腸，咸香咸香嘅味道，食完要飲好多水。lol黎到無理由唔試下出名蛋撻，得返原味可以簡，無流心蛋漿，色澤好靚，好吸引，但唔算好好食。