影片
更多
2023-05-07
68 瀏覽
熟悉既味道，第一次食星林居講緊都十幾年前，當期時認識星林居既人一定多過譚仔，行過星林居一定唔會陌生既就係佢個大大張有幾抽獎牌獎杯既廚師威水照，米線衝出國際佢好似第一人。重臨星林居，地點非常就腳，金馬倫道地鐵站B出口，一出咗行前少少就見到，見到個燈牌寫住丁榪星林居就係，樓梯上3樓。沿樓梯上會見到好幾張威水照，原來韓國節目有訪問過佢poster有埋韓文，衝出國際。餐廳座位唔算多，可以自己搵位，枱頭有點餐紙，職員會留意你點完嘅時候主動埋嚟收張紙，態度不錯。一上菜好澎湃嘅米線，小窩米線$35，每樣菜$6-$15不等，想食豬紅可惜無，唯有嗌豬皮，豬皮份量好多，可以吸收晒米線嘅湯底都不錯㗎。仲有另外一樣必食嘅蘿蔔，大大件嘅蘿蔔，清甜無根，棱角被磨平既蘿蔔足以證明煲到好入味，非常之正。小窩湯底肉碎足料，食晒啲餸到最後都仲有肉碎送米線，米線偏淋身，以前都係咁㗎，以前嘅味道。食小鍋米線一定要配返杯凍飲，要飲檸檬茶，唔吝嗇嘅檸檬片，超過半個檸檬，茶底濃，甜到剛剛好，凍熱一樣價錢，絕配。餐廳仲一路播住懷舊嘅音樂，係我嘅年代，感恩佢一直都在，得閒都會來支持下，地點方便，價錢相宜，不錯。
重臨星林居，地點非常就腳，金馬倫道地鐵站B出口，一出咗行前少少就見到，見到個燈牌寫住丁榪星林居就係，樓梯上3樓。沿樓梯上會見到好幾張威水照，原來韓國節目有訪問過佢poster有埋韓文，衝出國際。
餐廳座位唔算多，可以自己搵位，枱頭有點餐紙，職員會留意你點完嘅時候主動埋嚟收張紙，態度不錯。
一上菜好澎湃嘅米線，小窩米線$35，每樣菜$6-$15不等，想食豬紅可惜無，唯有嗌豬皮，豬皮份量好多，可以吸收晒米線嘅湯底都不錯㗎。
仲有另外一樣必食嘅蘿蔔，大大件嘅蘿蔔，清甜無根，棱角被磨平既蘿蔔足以證明煲到好入味，非常之正。
小窩湯底肉碎足料，食晒啲餸到最後都仲有肉碎送米線，米線偏淋身，以前都係咁㗎，以前嘅味道。
食小鍋米線一定要配返杯凍飲，要飲檸檬茶，唔吝嗇嘅檸檬片，超過半個檸檬，茶底濃，甜到剛剛好，凍熱一樣價錢，絕配。
餐廳仲一路播住懷舊嘅音樂，係我嘅年代，感恩佢一直都在，得閒都會來支持下，地點方便，價錢相宜，不錯。
張貼
