愛爾蘭瘋薯 (已結業)

因為見佢做緊10蚊份咁抵就去試下啦, 佢仲可以加8蚊有野飲, 其實都ok架。不過個薯條其實都只係得好少, 我地叫ge係肉醬薯條, d肉醬好好食, 雖然好似有dd太濃, 可能因為薯條太少, 如果多d薯條就好啦。 不過d薯條就真係幾新鮮, 果然係招牌野呀。行行下街當小食真係幾好架, 有機會都可以買黎試下。不過另外叫左果杯香蕉奇異果沙冰就真係差左d喇, 佢都冇咩味, 同埋香蕉味好似怪怪地, 可能我中意食真正香蕉多d, 覺得香蕉加其他野唔係太match。我諗呢間野都係食返薯條好喇, 好食。