巧手製作

營業中

休息中

連續幾日紅假，應承左去小表妹小表弟屋企陪佢地玩~~玩到餓餓地，就同佢地一家人落左去買茶點xppp舅母話佢地平時最中意食呢度既叉燒腸同叉燒包，前兩日先買左腸粉俾佢地做早餐~~~呢日問佢地想食乜，佢地就即刻話要食叉燒包xpp咁就帶埋佢地落黎買包啦：）舅母除左買叉燒包之外，仲買左當日既特惠凍包~~10蚊就有三個香菇雞包，咁又真係好抵食既！！！！小表妹要飲白豆漿，小表弟就飲黑豆漿~~呢兩個傻豬都幾食得，每人食左兩大個叉燒包之後仲飲曬成枝豆漿添啵！！而我就無食到包，反而食左個煙煙韌韌既紅豆砵仔糕值得一讚既係，呢間分店既店員姐姐超好笑容又有禮貌