Green Common (屯門鄉事會路) (已結業)

作為一個自認新潮嘅人,一定會試下一啲新派飲食，食肉會令到碳排放增加講左好多年，但偏偏自己係個無肉不歡嘅人，個女又有食物敏感，出街食飯好難揀。得知屯門區Green common 係食vegan food ,所以有日平日下午一點半帶埋女女黎試。試左肉麵意粉，意粉掛汁偏硬，鐘意個口感，阿女都話好好味，係咁食，而且有樣好神奇嘅野就係平時阿女食蕃茄，啲汁一定搞到個咀附近位置敏感同埋紅，但今次完全無，我唔肯定係咪個蕃茄係有機或非基因改造，所以阿女無敏感，讚！加左個薯條，好脆！仲有餃子，個皮好脆有肉汁。非常欣賞餐廳意念，希望多啲人欣賞。