影片
更多
2023-06-02
2558 瀏覽
呢間日本過江龍和牛燒肉店，擁有自家牧場，養殖高質素的薩摩牛，店內供應有以下三個系列放題：經典燒肉派對、澳洲和牛燒肉以及薩摩牛饗宴放題選擇，套餐包括無酒精飲品放題，18點前仲有早鳥價。主打最出名既薩摩牛加一後每位差不多六百多，評估一下自己食唔落咁多，唔想浪費下選了中等價位—澳洲和牛燒肉，已經有130幾款野食任食。.用iPad落單，一次只可以落六樣野食，有澳洲和牛各款肉類外，有海鮮、雞豬羊肉、飯麵食、沙律、壽司、前菜、湯類和甜品等，飲品自行到外面自助區拎，有咖啡奶茶、果汁、汽水、茶類等十幾二十種。▼澳洲和牛燒肉套餐 平日正價 HKD 378▼先點生菜、沙律、泡菜等夾燒肉一齊食，感覺健康啲同埋解解膩，澳洲和牛不同部位各自有不同風味選，部分入味，部分會過鹹😅。印象中和牛里肌肉和牛五花肉嫩，牛舌爽嫩，風味方面（蒜香味）調味適中，（蔥鹽味）燒出蔥清甜味，配牛肉幾夾。烤出來感覺大部分肉質算嫩，唔會太柴，唯一唔好係一碟碟有啲唔知咩部位。.海鮮方面主要用錫紙盤烤，主要有魷魚圈、帆立貝和蝦，落單同款一次點兩份（如圖四），同時放落同一盤內烤更慳時間，多時間食多啲野啦！.#明太子芝士年糕 芝士熱融，年糕同時
呢間日本過江龍和牛燒肉店，擁有自家牧場，養殖高質素的薩摩牛，店內供應有以下三個系列放題：經典燒肉派對、澳洲和牛燒肉以及薩摩牛饗宴放題選擇，套餐包括無酒精飲品放題，18點前仲有早鳥價。主打最出名既薩摩牛加一後每位差不多六百多，評估一下自己食唔落咁多，唔想浪費下選了中等價位—澳洲和牛燒肉，已經有130幾款野食任食。.
用iPad落單，一次只可以落六樣野食，有澳洲和牛各款肉類外，有海鮮、雞豬羊肉、飯麵食、沙律、壽司、前菜、湯類和甜品等，飲品自行到外面自助區拎，有咖啡奶茶、果汁、汽水、茶類等十幾二十種。
▼
澳洲和牛燒肉套餐 平日正價 HKD 378
▼
先點生菜、沙律、泡菜等夾燒肉一齊食，感覺健康啲同埋解解膩，澳洲和牛不同部位各自有不同風味選，部分入味，部分會過鹹😅。印象中和牛里肌肉和牛五花肉嫩，牛舌爽嫩，風味方面（蒜香味）調味適中，（蔥鹽味）燒出蔥清甜味，配牛肉幾夾。烤出來感覺大部分肉質算嫩，唔會太柴，唯一唔好係一碟碟有啲唔知咩部位。
.
海鮮方面主要用錫紙盤烤，主要有魷魚圈、帆立貝和蝦，落單同款一次點兩份（如圖四），同時放落同一盤內烤更慳時間，多時間食多啲野啦！
.
#明太子芝士年糕 芝士熱融，年糕同時烤好，放落芝士盤內拉絲😍，香口惹味濃郁，意外不錯！壽司🍣正常發揮，和平日食一樣，點三文魚和帆立貝壽司有水準。天氣咁熱必點 #冷麵 ，份量一大盤，但無阻我對佢既喜愛，凍凍地加泡菜和青瓜絲，超級清爽開胃，燒到一半夠晒解膩。
.
去到甜品部分，太飽跳過了泡芙，只試左較特別兩款，「抹茶蕨餅」抹茶味濃，微煙韌彈牙，一次點兩份。「焦糖蘋果蛋糕」唔會過甜，凍冰冰感覺，食落口感好正，可試，最後必點Haagen-Dazs👍👍完美收尾。
.
100分鐘時間都足夠，當日平日晚上人不多，唔會太趕或催交枱，100分鐘已經足夠，唯一可能要自己留意一下時間，因為無人提醒，完前半個鐘最後加單，點足自己食既份量，截單前問店員雪糕可最後再口頭點單👍。
_
⭐️ 完結前30分鐘最後加單
⭐️ 酒精飲品放題 每人+HKD 30
張貼
