小澤日本料理 (已結業)

已經幫襯過好多次呢間出名抵食又高質素o既日本料理。餐廳好細座位都比較迫，但午餐時段任選三款飯或壽司或小食都只係$105，雖然要行斜路上黎仍然大受OL歡迎！今次好貪心地揀左鰻魚飯，半熟燒三文魚飯同燒三文魚鮫！先到的是熱辣辣的麵豉湯，湯好濃海苔又多。跟住三款食物差不多時間上檯。先到的是鰻魚飯，鰻魚有兩件，飯唔多可以留肚食之後的半燒三文魚飯！半燒三文魚有五至六大件，三文魚好重油脂，魚油滲入飯度可以話係齒頰留香。最後的是燒三文魚鮫，魚鮫有三大件，其中兩件係魚三角，另配一件比較多細骨同肉的部位，魚鮫炸得香脆，魚三角亦好嫩滑。最後仲有兩款雪糕可以揀，食左咁多魚油，我揀左檸檬味酸酸地清清個口！總括黎講$105係超值！