喜善中餐廳 (已結業)

一行6人選咗這個每位$118的套餐．每位有一盅雞燉翅，個翅好夠熱，熱到都食唔到，而且都幾好味唔會有太多味精．有一杯飲品（可選汽水或啤酒）．頭盤有三樣嘢選（海蜇拼乳豬，大蝦沙侓，江南四小碟），有過唔好處就係不可每人選一款，一定要六個人一齊決定食同一款式的頭盤．最終選咗海蜇拼乳豬，另外還可以從特定的餐牌裏選六款小菜，小菜的款式有成二十幾款．份量都好足夠，味道幾好．還有白粥或飯任選一款．最後還有甜品．以這個價錢其實都幾抵食．可能我哋去果時己經係八點幾接近九點．有d小菜都無．上菜的次序有d亂，我哋差不多食完d小菜，個部長先話無頭盤海蜇拼乳豬，叫我哋選過另外一樣小菜作保嘗，其實當時我哋都好飽，都唔想要小菜，真係唔明點解個部長唔會問我哋選翻頭盤裏的食物．最後都係選咗大蝦沙侓．