影片
更多
2018-04-02
1262 瀏覽
BB出世差不多一年都冇同老公二人世界，最近老公竟然自己提出要拍吓拖 💕 所以我哋終於狠心丟低BB幾個鐘去撐枱腳！隆重其事揀咗「和菊」歎高級日式鐵板燒，呢間嘢門面都幾神秘，我哋都係第一次去，好彩冇揀錯，環境靚，擺盤別緻，食材新鮮，最緊要真係非常好食！我哋呢一晚揀咗和菊二人精選晚餐😋 頭盤免費送生蠔，極極極鮮甜，原來係北海道嘅厚岸蠔，面頭加咗香檳泡沫，好清新，餐前食一流。（平時我唔食生蠔都竟然覺得好食，本來諗住免費送就試吓，以為食一啖要lur 出嚟㖭 😆）😋 老公食魚生話極鮮美，但我又唔食，轉咗鵝肝，點知一食落口竟然有Amigo 級數，外脆內嫩，油香咸香混合，入口即溶，高水準！😋 最特別係燒北海道帆立貝，燒完再放入壺用日本杭白菊煙燻，比平時出面就咁鹽燒，更加帶出呢隻特大帆立貝嘅鮮甜😍😋 燒魚亦交足功課，用咗非一般嘅甘鯛魚，每一塊鱗都炸到豎起，超香超鬆脆，但魚肉非常鮮嫩，第度我諗好難食到。問經理，佢都話廚師試驗過好多唔同嘅魚同烹調方法配合先研制而成，唔怪得可以咁好食！好想帶埋我哋爸媽嚟試呀～ 尤其我爸應該超鍾意。😋 全晚重頭戲當然係和牛啦，用咗宮崎A4和牛西冷，每粒都入口即溶充滿極香牛脂，我
我哋呢一晚揀咗和菊二人精選晚餐
😋 頭盤免費送生蠔，極極極鮮甜，原來係北海道嘅厚岸蠔，面頭加咗香檳泡沫，好清新，餐前食一流。（平時我唔食生蠔都竟然覺得好食，本來諗住免費送就試吓，以為食一啖要lur 出嚟㖭 😆）
😋 老公食魚生話極鮮美，但我又唔食，轉咗鵝肝，點知一食落口竟然有Amigo 級數，外脆內嫩，油香咸香混合，入口即溶，高水準！
23 瀏覽
1 讚好
0 留言
😋 最特別係燒北海道帆立貝，燒完再放入壺用日本杭白菊煙燻，比平時出面就咁鹽燒，更加帶出呢隻特大帆立貝嘅鮮甜😍
21 瀏覽
1 讚好
0 留言
😋 燒魚亦交足功課，用咗非一般嘅甘鯛魚，每一塊鱗都炸到豎起，超香超鬆脆，但魚肉非常鮮嫩，第度我諗好難食到。問經理，佢都話廚師試驗過好多唔同嘅魚同烹調方法配合先研制而成，唔怪得可以咁好食！好想帶埋我哋爸媽嚟試呀～ 尤其我爸應該超鍾意。
30 瀏覽
1 讚好
0 留言
😋 全晚重頭戲當然係和牛啦，用咗宮崎A4和牛西冷，每粒都入口即溶充滿極香牛脂，我食到合晒眼，但最驚喜係配料嘅日本青森蒜片，真係好食到可以單獨當一碟小食，每一塊淡金黃色，又香又脆、全無苦澀味，加倍提升和牛味道層次！連蒜片都可以咁好食，呢啲真係廚師嘅功力！（我想獨立買走啲蒜片呀）
17 瀏覽
1 讚好
0 留言
😋 全晚連埋送嘅生蠔有12道菜，仲有極鮮甜嘅清酒煮白貝，啖啖肉新鮮龍蝦、清新嘅日本冰菜蕃茄沙律、極香嘅白飯魚炒飯，最後仲有高甜度嘅日本蜜瓜同和菓子做甜品，由頭到尾每一道都好好好好食！
49 瀏覽
1 讚好
0 留言
23 瀏覽
0 讚好
0 留言
37 瀏覽
0 讚好
0 留言
價錢係$2480兩位，即人均每碟約$100，單睇食材新鮮每天日本直送其實已經值得，何況仲要咁特別咁好食，所以我覺得係抵嘅。
小貼士：
1. 記住要訂位
2. 訂位時可以講明自己鍾意食乜或者唔食乜，好似我唔食刺身就換咗鵝肝
19 瀏覽
1 讚好
0 留言
張貼
