影片
更多
2024-07-04
1129 瀏覽
📍 滾起樓上水匯開左好多餐廳，想食火鍋放題既話都唔一定要去旺角既；呢間朝早既時段係飲茶食點心，夜晚搖身一變做台式火鍋放題，都幾多元化咁喎😍✨ Plan B 台式火鍋放題（120分鐘）✨$248/位🍲火鍋湯底總共有成12款湯底，無論係淡味或者濃味嘅湯底都會提供；今次揀咗紅燒牛骨鍋，主要有牛骨、牛腩同紅蘿蔔熬製而成嘅湯底～🐮🐷 120分鐘無限量供應可以任食美國特級安格斯系列：美國安格斯CHOICE肩胛、安格斯特級牛板腱、美國PRIME雪花肥牛、西斑牙豬五花片、京畿道豬梅肉片、紐西蘭羊卷肉～▶️肉嘅種類非常多，絕對啱曬食肉獸既我🤩最推薦既係美國PRIME雪花肥牛，肉質紋理清晰，色澤均勻，切到薄薄一大片，食落比較有口感，好滿足😋另外，特級牛板腱既口感都唔錯，係比較優質嘅牛肉！淥兩下就食得，入口較嫩，牛肉味濃！🍲火鍋配料用QR code就可以落單，個Menu都幾豐富咁，試左私房鴨血（辣）、章魚珍珠漿、美人花膠、脆肉鯇魚片、鮮甜海蝦、珍珠蜆等等▶️推介大家試吓美顏花膠同埋鴨血，花膠嘅口感都幾爽口，味道都幾唔錯，女士養顏一流啊🤩鴨血完全冇腥味，亦切到好厚身；必食嘅當然係海鮮！海蝦同珍珠蜆必點，蝦雖然唔係
上水匯開左好多餐廳，想食火鍋放題既話都唔一定要去旺角既；呢間朝早既時段係飲茶食點心，夜晚搖身一變做台式火鍋放題，都幾多元化咁喎😍
✨ Plan B 台式火鍋放題（120分鐘）✨$248/位
🍲火鍋湯底
總共有成12款湯底，無論係淡味或者濃味嘅湯底都會提供；今次揀咗紅燒牛骨鍋，主要有牛骨、牛腩同紅蘿蔔熬製而成嘅湯底～
🐮🐷 120分鐘無限量供應
可以任食美國特級安格斯系列：美國安格斯CHOICE肩胛、安格斯特級牛板腱、美國PRIME雪花肥牛、西斑牙豬五花片、京畿道豬梅肉片、紐西蘭羊卷肉～
▶️肉嘅種類非常多，絕對啱曬食肉獸既我🤩最推薦既係美國PRIME雪花肥牛，肉質紋理清晰，色澤均勻，切到薄薄一大片，食落比較有口感，好滿足😋
另外，特級牛板腱既口感都唔錯，係比較優質嘅牛肉！淥兩下就食得，入口較嫩，牛肉味濃！
🍲火鍋配料
用QR code就可以落單，個Menu都幾豐富咁，試左私房鴨血（辣）、章魚珍珠漿、美人花膠、脆肉鯇魚片、鮮甜海蝦、珍珠蜆等等
▶️推介大家試吓美顏花膠同埋鴨血，花膠嘅口感都幾爽口，味道都幾唔錯，女士養顏一流啊🤩鴨血完全冇腥味，亦切到好厚身；必食嘅當然係海鮮！海蝦同珍珠蜆必點，蝦雖然唔係話好大隻，但勝在肉質新鮮，食落肉質唔會霉，而蜆雖細隻但冇沙，海鮮完全唔伏，嗰日同屋企人都食咗幾round既海鮮！
🥢小食
叫左秘制滷牛肚、滷水雞翼、炸午餐肉、真豬小香腸（原味香腸）同酸辣豬手~
▶️酸辣豬手喺火鍋放題度見到，豬手食落爽口，佢係冷盤嚟嘅，味道酸酸辣辣，非常開胃！最後都encore咗三次🤤🤤🤤諗返起都覺得有啲誇張！香腸同埋牛肚就普普通通，冇乜特別，但酸辣豬手真係要試試😙
🔆自助吧食品及飲品
自助吧食品大多都係火鍋配料：丸類、腸類、蔬菜類、牛柏葉、公仔麵等等，款式多達接近32款！都真係幾多選擇😍另外，亦都提供開胃小菜，當晚肉燥飯，確保你一定食得飽😝 但因為食得太飽就冇試到🙈另外，飲品有兩個大櫃，有泡茶、支裝同罐裝飲品，最推薦嘅係冬瓜茶！！！味道甜甜地的，好解油膩感，之前去台灣都會特登去買！
🍨甜品
食完正餐當然要食甜品啦！甜品就冇得任食喇，只可以揀雪糕或者仙草～雪糕就成日食，今次試咗仙草：涼粉同埋愛玉～椰汁都幾香，真係大滿足😌
⭐️好味指數：7.6/10
📍 滾起樓(粵點粵滋味) (上水)
上水龍琛路48號上水匯4樓401-411A號舖
#上水 #滾起樓 #火鍋放題 #台式火鍋放題 #特級安格斯 #火鍋配料 #肥牛 #雪花肥牛 #自助吧
張貼
