Blue Brick Bistro (已結業)

今晚放工, 同老婆手拖住手途經利東街(即舊名囍帖街), 由於環境氣氛影響抵下, 總想食好西。最後決定行入Blue Brick Britro。(其實因為做緊生蠔任食推廣, 作為生蠔控又點抗拒呢？) 120分鐘生蠔任食 $168餐廳預先調製三款特色生蠔醬汁, 甜、酸、辣任君選擇。不時不食, 今晚主打日本蠔和法國蠔。每次單點6隻, 無限供應, 一於食返夠本先！個人比較喜歡法國蠔Fine de claire, 外表較修長, 肉質較為適中。口感鮮甜清爽。另一款日本蠔, 金屬味和海水味較重身。同樣非常新鮮抵食！食生蠔之餘, 當然有主食。海鮮迷必點之選, 各色各樣海鮮配上龍蝦湯, 鮮味之最。材料包括:帶子、蜆、青口、鱸魚等等。一入口便感受到材料的新鮮！湯底非常濃郁且甚具龍蝦味, 味道鮮甜值得一試。