Cru (已結業)

終點又是西貢，太肚餓關係，未夠6點已食晚飯。時間尚早，店內空無一人，靜靜的坐得好舒服，老公又慣例先連飲兩杯啤酒。Penne Arrabiatta-與al dente相比，就覺得呢個差點點，蕃茄味唔夠香濃，長通粉口感是硬，與al dente的咬口感覺是兩回事。Ultimate Beef Burger原本是lunch menu至到5點的，但侍應姐姐好好人，可以通融我們，不是用普通的漢堡包，它是用土耳其包的，烘到外脆、內軟，好好食。除了有漢堡牛肉外，還有煙肉、蘑菇及洋蔥，增加香味，可借牛肉有點雪味，又唔夠肉汁。幸好還有周邊的配菜加分，大大條薯條炸到熱辣辣、脆pot pot，又有沙律菜及酸菜沙律。Brownie-一件brownie淋上一層熱朱古力，我覺得朱古力還未夠香濃，而brownie質感有點鬆，不夠結實。雖然有一球雪榚，但我額外加多一球，都只是5蚊，好抵。這個是第1200個食評，希望再原動力，繼續寫落去。